ДИРЕКТОРДЫҢ БИЗНЕС АССИСТЕНТІ
Вакансия — “Тайшыбай медициналық орталығы”, Атырау қаласы
Қажетті жұмыс тәжірибесі: маңызды емес.
Толық жұмыспен қамту, тұрақты жұмыс.
Жұмыс уақыты: 9:00-18:00, 5/2.
“Тайшыбай медициналық орталығы” Атырау қаласындағы дамып келе жатқан медициналық орталық. Біз қазір белсенді өсу кезеңіндеміз: жаңа медициналық бағыттарды ашамыз, бизнес-процестерді жүйелі құрылымға келтіреміз және басқару сапасын жаңа деңгейге шығарамыз.
Біздің стратегиялық түпкі мақсатымыз — заманауи “Бір күндік хирургия” форматын енгізіп Атырау қаласын бүкіл батыс аймағы мен көршілес елдерден емделушілер арнайы іздеп келетін ірі медициналық туризм орталығына айналдыру.
Біз кімді іздейміз?
Егер сіз операциялық менеджер немесе басқарушы ретінде өз бизнесін жүргізетін адам болуды армандайтын болсаңыз — бұл позиция сізге кәсіпкердің қасында отырып, бизнестің қалай жұмыс істейтінін ішінен көруге мүмкіндік береді. Бұл — қағаз тасушы хатшы рөлі емес, басқару тәжірибесін нақты тапсырмалар арқылы жинайтын бастапқы баспалдақ.
Сіздің міндеттеріңіз қандай?
Басшының күнтізбесін, кездесулерін және жұмыс кестесін ұйымдастыру;
Басшының күнделікті операциялық міндеттерінің бір бөлігін өз мойнына алу және уақытын босату;
Басшы қойған тапсырмаларды бақылау, олардың уақытылы орындалуын қадағалау және орындалу мәртебесі бойынша есеп беру;
Кестелер, есептер, презентациялар және талдамалық материалдар дайындау;
Google Sheets және Excel бағдарламаларында мәліметтерді жүргізу, есептеулер жасау және көрсеткіштерді бақылау;
Жиналыстардың қорытындысын тіркеу және тапсырмаларды жүйелеу;
Құжаттарды, файлдарды және ақпаратты ретке келтіру және жүргізу;
Қызметкерлермен, серіктестермен және мердігерлермен коммуникация жүргізу;
Клиникадағы бизнес-процестердің үздіксіз және жүйелі жұмысын қамтамасыз етуге қатысу;
Процестердегі мәселелерді анықтап, оларды жақсарту бойынша ұсыныстар енгізу;
Басшының жеке және жұмыс сипатындағы ұйымдастырушылық тапсырмаларын орындау.
Сіз не аласыз?
Ресми, тұрақты жұмыс және уақытылы төленетін жалақы;
Кәсіпкер және клиника басшысымен тікелей, жақын жұмыс істеу мүмкіндігі;
Бизнесті басқару мен жүйелеу тәжірибесін теорияда емес, нақты тапсырмаларда үйрену;
Оқыту және кәсіби даму мүмкіндігі;
Өте жақсы нәтиже көрсеткен қызметкер үшін келесі деңгейлерге өсу қарастырылған:
Операциялық менеджер;
Клиника басқарушысы.
Бизнес партнер
Үміткерге қойылатын талаптар
Қазақ және орыс тілдерінде сауатты жазу және еркінсөйлеу;
Excel/Google Sheets-те есептеу формулалары мен кестелерді сенімді құру;
Google Docs және Google Drive құралдарымен жұмыс тәжірибесі;
Өз бетінше шешім қабылдай алатын, тапсырманы толық емес ақпаратпен де жалғастыра алатын ойлау қабілеті;
Жоғары жауапкершілік, тәртіптілік және құпия ақпаратты сақтай білу.
Артықшылық болады:
Медицина, қызмет көрсету немен білім беру саласындағы тәжірибе;
Аналитикалық, жүйелі ойлау және процестегі олқылықты бірінші болып байқау қабілеті.
Сондай-ақ, бойында таланты бар, бірақ тәжірибесі аз жастарды өзіміз үйретуге дайынбыз.
Зейінді сынау! “Қайырлы күн! Мен “Тайшыбай медициналық орталығының” вакансиясымен толық таныстым және осы қызметке үміткер ретінде өз кандидатурамды ұсынамын.” ілеспе хатты осы сөйлеммен бастаңыз;)
Әрине, бұл позицияға қалаушылар көп. Сондықтан біз мұқият және іріктеуді әділ өткіземіз. Ақылы бейімделу кезеңі қарастырылған, бұл мерзім аяқталғаннан кейін жақсы көрсеткіштер жасап, жоспарды орындау қажет.
Ноутбуктің, гарнитураның, тұрақты интернеттің болуы міндетті болып табылады.
Сізді біздің ұжымның бір бөлігі ретінде көруге қуаныштымыз!
“Тайшыбай медициналық орталығы” — Атырау қаласы